DÉKATMAN
Lè maten
- Gran bonè : DIDIKO
- 9è é dimi : KONKOU A LÈKTI KRÉYÒL
- 11è é dimi : DIKTÉ A GRAN MOUN
Lè midi
- Nou ké manjé ansanm / manjé et ji lokal ofè pa Akiyo; lé zot 
konsomasyion péyan
Méné kwi, tinbal é fouwchèt a zot.
Dikté kréyòl à Dimanche 5 jen an lokal A Akiyo, Chovèl, Zabim)
Dé gran mizisyen Gwadloup
Vélo ki sé Mawsèl Lollia sété on nonm onlo moun té konnèt ka kayé pwason Lapwent. Mé sé gras a dé men a tanbouyé a-y ki fè i jouwé ki avè zanmi boula a-y, ki avè onlo chantè, ki pa asi Lapwent, ki pa asi Lansbètran é Pòlwi . Sé vré , lè lé prodiktè té bizwen anrèjistré dis a Gwoka koté lé lanné 60 é 70, sé Vélo yo té kay kriyé.
Nonm-lasa té bon moun a Akiyo. I té ka défilé avè gwoup-lasa adan lé prèmyé lanné a kréasyon a mouvman-la. Dayè onlo moun a Mouvman Kiltirèl Akiyo òwganizé lantèman a-y é menné-y an simityè on jou a mwa-d-jen mil-nèf-san katrèvenkat ki vin on dat potomitan pou gwoka adan kalandriyé a Gwadloup.
Gi Conquette koumansé jouwé mizik an bal avan i té adòpté gwoka . I fè dis a gwoka . I fè òwkès a gwoka. Fò di i té tini on lantouraj pou sa. Pas, maman-y Man Soso é Misyé Kawno kon i té ka kriyé-y, té ka fè léwòz a Jabren. I sé yonndé mizisyen ki ba gwoka-la on dimansyon politik. Sa kouté-y chè men i pa arété jouwé mizik a-y. Jòdi-la fò konsidéré-y kon on mèt a chanté gwoka pas, onlo chantè ka chanté chanté a-y an jan i té ka chanté-yo. Mizisyen entèwnasyonal ka rèkonnèt-li kon on chantè Blouz é on chantè Jaz. Sé pou sa yo kriyé-y pou-y té chanté asi dis a-yo.
Mouvman Kiltirel Akiyo, 5 jen 2011
Asi tras a Vélo é Konkèt
